Dom je jezero i jena stvor
dobljena na dor,
jezero i jena želja, štera te navek
znova k sreči pelja.
Dom je jezero i jen cvetek,
jezero i jen svetek,
jezoro i jen posni petek,
dok se i kalamper z belijem jev v tek.
Dom je jezero i jena slika,
štera te v srce pika,
štera ti namomi sozu na oko
i zdehneš si gliboko, gliboko…
A v očima kak vu vodi zaniše se slika,
matere kak ti svitera štrika,
oca kak ti na čiguš veže dretu
i glasno se smeje svojemu detetu…
Dom je i jezero i jena prilika,
jezero i jena mamina vika:
-Hopoki jeni,
pok ste v zdenec hitili vedricu,
pok ste stori mami skrili dežicu,
pok ste z vetera zeli sira…
Oh, da mi bote jempot doli malo mira…
Dom je
i jezero i jempot nasmijono mamino lice,
nad ponjovom punom pšenice
i bele melje puno vreče
i smeje se, smeje se od sreče..
Evo, dragi moji, uz jezero i jen pozdrav
vaša Magdalena
Magdalena Vlah-Hranjec
